Mi chih in it pipi a pe lou in, piak louh theihlouh bang a leng ngaihtuah a pe tuan lou in, a lungtang ua a tup bang zel un pe chiat heh; Pathian in kipaktak a pe mi ahi, a it (2 Kor.9:7).
Thukhun Lui a sawm-a-khat phutluih dan hilou in tuni i tangteel in Thukhun Thak thilpiak i piak ding dan hon gen hi. Huaite tuh:
- It pipi a piaklouh ding: Pathian in i neih val hon phut hilou hi. Tam i piak leh tam in hon vualzawl ding a, tawm i piak leh tawm in hon vualzawl hi. Tawm chik pia a vualzawlna tampi deih chih hi theilou hi.
- Piaklouh theihlouh bang a ngaihtuah a piak louh ding: Thilpiak piak ngailou chihna hi zenzen lou hi. Thukhun Lui a sawm-a-khat a phutluih bang in alou-theilou a hiai zah piak ngeingei ding chih omlou a; Pathian in i lungsim, a vualzawlnate pethuk ding a kimanna deih hi. Vualzawlna i muh lak ah bang zah percent i pia a, Thukhun Lui a sawm-a-khat sang in a tawm zaw hia?
- Lungtang a tup bang a piak ding: Vualzawlna tampi mu hinapi tawm chik tup pen diklou hi. Vualzawlna i muh bang a piak ding (1 Kor.16:2) chi ahihman in vualzawlna i muh toh kituak lungsim a tup ngai hi.
- Kipak tak a piak ding: Tampi mu in kipak tak in tawm chik pe lehang pomtaak hi tuanlou ding hi. Vualzawlna i muh bangbang kipak tak a i piak chiang in Pathian kipak hi.
Unaute Toupa’ ni zingpha. Tuni kikhop nuam chiat.