Vaihawmmi lungsim nang dou ding a athoh leh, na mun taisan ke’n; kipiak in tatkhelhna thupite a lungkim sak (Ekl.10:4).
Tuni a i tangteel nu leh pate a ding in theihsiam huai baih deuh ding hi. I tate’n thil hon bawlkhelh ua, i tai chiang in (khen chiang in a hihkhelhna sang ua uangzaw a taikha sek), amau hon seel hetlou a kisuanglah tak a adaih dide chiang un i hehnate beipah thei hi. Hiai in nu leh pate a ding in leng ki-etkikna leh thupha tawina (apology) omsak thei hi.
Alehlam ah, tate leng nu leh pate bang in hong heh thuk le uh, kituahna sang in utlouh tantan in hon hehsak zaw thei uhi.
I gennop pen leh i zil utpen ahihleh hun khenkhat chiang in i tung a mi aheh (diklou tak a hon hehsan/bawl leng hi kha thei) hun a hehtuk lou a, ana daih dide tuh a hoih zaw a, a hehna uleng a daisak baih zaw hi.
Diklou tak a min hon bawl hun in leng Jesu Khrist lungsim ding zilna hun ahi chi in, dai dide thei lehang i hinkhua ah Khrist mel langzaw ding hi.
Unaute zingpha. Tuni hun zatnuam chiat.