Himahleh Naaman bel a heh mahmah a, a pai nawnta a, Ngai un, amah mah ka kiang ah a hong pawt ding a, a hong ding diing a, Toupa a Pathian min a hon lou ding a, a phakna tung tak a khut zap in phak hihdam ding ei ve chih ngaihtuah zaw hi ing a (2 Kum.5:11).
Naaman hihdam ut in zawlnei Elisha kiang ah hong pai a, Jordan lui ah sagih vei kidiah leh dam ding ahihdan hilh in a om hi.
Hiai a damna ding in amah a hih heh zaw a, hehsa in a kilehkik hi. Tuni a i tangteel a athugen i et leh, English ah “Behold, I thought…” (KJV) chih thumal in kipan a, eipau ah, “ngai un, kei ngaihdan in” (hilehle, kei ngaihdan in) chih toh kibang ding hi. Hiai thumal ten Pathian thupiak leh pilna mihing ten i ngaihkhiak theihlouh khaksek ziak uh hon hilh kha hi.
Pathian in i melmate bawl didan hon hilh a, himahleh ei ngaihdan in thil haihuai a bang a, “Behold, I thought…” (hilehle, kei ngaihdan in…) kichi kha nak sek hi.
Pathian in saptuam toh kisai hon hilh a, himahleh mi tamtak ten haihuai sa in, Hilehle, kei ngaihdan in… (“Behold, I thought…” chi in pom nuamlou uhi.
Jesu’n khelh ngaihdamna ding toh kisai lampi hon bawlsak a, himahleh mi tamtak ten haihuai sa in, Hilehle, kei ngaihdan in… (“Behold, I thought…”) chi in zui nuamlou uhi.
Na mimal hinkhua ah hiai bang ngaihdan na nei kha sek hia? Pathian thugente na ginglel kha sek hia?
Pa, na thu ahi bangbang a, kingainiam tak a, pom a, sang thei ding in hon panpih in.
Unaute zingpha. Tuni hunzat nuam chiat