Huchi’n Nathan in David kiang ah, Nangmah na hi, ka TOUPA, Israelte Pathian in hichi’n a chi, Israelte kumpipa ding in sathau ka hon nilh a, Saul khut a kipan in ka hon honkhia hi (2 Sam.12:7)
David in Uria zi akhelhpih ziak in zawlnei Nathan a kiang ah hong hoh in belam leh gan hon gentehna thu hong gen hi. David in amah gen ahihlam theilou in huai mi hausa, belam tampi nei himahleh mi genthei belam khat neihsun gohsakpa thah ngeingei ding ahi, achi hi. Huai hun a Nathan dawnna tuh tuni a i tangteel ahi. Mi genthei in belam khat aneih sun laksak a, gohsakpa, huai mihausa, “Nangmah na hi” achi hi.
Khristian ten lawm hoih, i khelhnate hon gen maipih a hon kitheihmohbawl hilou, i khelhnate hon kawkmuh a, “nangmah na ka” hon chi thei i poimoh gige hi. Himahleh hichibang lawmte tuh i deih kei ua, i ngai kei tangpi uhi.
“I lawmte in hong liamsak hangin i hoihna ding a hong deihsakna hizaw hi. I galte in hong ngawng kawina pen hong lehbawlna ahi hi” (Pau.27:6 – Tedim Bible)
Pa aw, thutak hon hilh lawm hoih non piak zelte ziak in kipahthu kon gen ua, midangte adia tuabang lawmhoih leh ginom hithei ding in hon panpih in.
Unaute zingpha. Tuni hun zatnuam chiat