Benjamin gam a Benjamin suan mi khat mi hausa (man of wealth) mahmah a om a, a min Kis ahi, huai mi Abiel tapa ahi a, huai mi Zeror tapa ahi, huai mi Bekorath tapa ahi, huai mi Aphia tapa ahi. Huan, ama’n tapa a nei a, a min Saul ahi a, tangval melhoih tak ahi a, Israel mite lak ah amah sa’ng a melhoih himhim a om kei: kuamah a liangzang khup leng a om kei uh (1 Sam.9:1,2)
Israel-te kumpi masapen tuh Saul ahi. Amah tuh Israel mi ten namdangte bang a kumpi neih a ut a, Pathian kiang a anget ziak ua Pathian in a piak ahi.
I tangteel apan Saul toh kisai ahihna i muhtheih tuh mi hausa, mi melhoih leh mi dinsang (tall) ahi. Himahleh hiai ahihna (quality) ten kumpi hoih in a bawl tuan kei hi.
Israel-te kumpi dia Pathian in Saul a piak tuh sinlai a sinsak nuam ziak a apiak a bang hi. A deih uh, a nget uh apia hinapi in amau mah in a thuakloh uhi. Pathian in amau adia a deihdan leh a geelsak dan sang in, amau kilawmna ding leh a kim leh kiang ua namdangte muh ding dan a gelzaw ua, a deih mah uh kumpi a pia, a thuakloh hithet uhi.
Mihing in polam kilatdan i en a, himahleh Pathian in lungtang a en hi. Huaiziak in mi i et chiang in, abiik in zi leh pasal kizonna ah tuailaite a ding in, Pathian it mi ahi hia chihte en masa ni. Pathian it mi ahih a, mi hausa, mi melhoih, mi dinsang ahihleh poi kei, a hoih sem ahi. Himahleh hiaite nei a Pathian neilou in khristian hoih, pasal manpha, zi manpha bawllou ding ahi chih theithak ni.
Unaute zingpha. Tuni hun zatnuam chiat