Huan, Toupa angel a hong a, Ophra khuaa Abiezrit mi Joas tawso sing nuai ah a tua: huan, a tapa Gideon in Midiante muhtheihlouh ding in grep sukna khuk ah buh a na vua a. Huan, Toupa angel a kiang ah a hong kilak a, a kiang ah, Nang mi hat hangsan, Toupa na kiang ah a om hi, a chi a (Vai.6:11,12)
Gideon in amah a leng a kimuh theihlouh Pathian in amuh om hi. Amah a kimuh dan in Manasi suan lak a leng nam gentheih pen leh apa inkote lak a leng neupen ahi hi (Vai.6:15). Himahleh Pathian in “mi hat leh hangsan” ahihna mu hi.
Tuni’n nang bang chi’n na kimu a? Na thiltuah tuamtuamte, na inkuan dinmun, hun paisate a na bawlkhelhte leh midangte hon muhdante kia a na hinkhua en a, nang leh nang kimu na hi hia? Na hihna nang leh nang na kimuhdan sang a Pathian in hon muhdan poimoh zaw ahi. Gideon bang in Pathian in hon zatnopna a zat theih din om sawm chiat ni.
Unaute zingpha. Tuni hun zatnuam chiat