Huan, heutute’n mipite kiang ah, Lau leh kihta na om uh hia. A innlam uah pai uh hen, a unaute uh lungtang amah lungtang bang in a zul tei kha ding hi, chi lailai uh heh (Deut.20:8).
Deuteronomy 20 in kidouna a hangsan tak a om diing dan gen hi. Siampu ten mipite laulou diing in hanthawn diing ua, Pathian in vualzou sak diing ahihdan gen diing uhi. Hiai bang a hanthawnna a om nung a, lau leh kihta a om uleh, tuni a i tangteel a imuh bang in kidouna a panglou in inlam ah pai diing in heutu ten a sawl uhi. Hiai tuh midangte a lunglelh sak khak diing uh venna ahi.
Lunglelhna leh vuallelhna kampau leh omdan ten i kim leh kiang ate lausak in a lungsim uh suneu hi. Kidouna a kuan diing, a bik in makai diingte bang ngial in lau le uleng midangte muh a laulou leh hangsan dan a akilat uh poimoh mahmah a, hiai in a makaih mite uh hangsan sak hi. Lungkiatna kichi vuallelhna vanzat hiamtak suak ahihman in khalam gal i douna ah hangsan tak a pang chiat ding in kisa ni.
Unaute zingpha. Tuni hun zatnuam chiat